Eph 2 | PONPDN | STEP | PIL dueta komail ni omail melaki sapun o dip akan,

Ephesians 2

1 PIL dueta komail ni omail melaki sapun o dip akan, 2 Me komail dadaureki mas duen tiak en sappa et, o duen wiawia en saupeidi o, me manaman pan lan, iei nen o, me kin dodok ren seri sopeik kan ansau wet. 3 A kitail karos pil weweid nan pun arail mas o ni inon en uduk atail, o kapwaiada inon en uduk o lamelam, o kitail me udan seri en onion akan dueta me tei kan. 4 A Kot, me dir en kalanan, pweki a limpok me a kotin pok on kitail lar, 5 Nin dokan atail melaki sapun kan, nan a kamauri kitail dar ki Kristus, pwe mak o, me komail dore kila, 6 O pil kotin kamaur kitail dar o kotin kasapwil kitail dan nanlan ren Kristus Iesus, 7 Pwe a en kotin kasansaleda a mak o kalanan lapalap ni muei kokodo on kitail ren Kristus Iesus. 8 Pwe ni poson komail kamaur kilar mak; a kaidin pweki pein komail, a pai eu ren Kot, 9 Kaidin ki wiawia kan, pwe sota amen en aksuaiki. 10 Pwe sapwilim a dodok kitail, me wiauier ren Kristus Iesus on wiawia mau kan, me Kot kotin kaonopadan kitail er, pwe kitail en dadaurata. 11 Komail ari tamatamanda, me komail men liki mas o, me aluki uduk pwel, men kaindinda sosirkomsais ren me sirkomsais, me kin wiaui ni uduk manin pa. 12 Pwe ni ansau o komail likin Kristus, o likin pai en Israel, o likin inau en soso kan; i me sota omail kaporopor o sota omail Kot ni sappa wet. 13 A komail me doo wei san mepukat mas o, a ansau wet komail me korendor o mi ren Kristus Iesus pweki ntan Kristus. 14 Pwe i atail popol, me wia kin ira eu, o me kotin kawela kel o, me mi nan pun ara, 15 Ni a kotiki san imwintiti re ’ra ki pali uduk a. Iel kapun o me audekier kusoned akan, pwe en kotin wia kin ir ala aramas kap ta men on pein i. 16 Pwen kalolamaui on Kot ira ni war ta ieu pan lopu murin a kotin tiakedi imwintiti ki lopu. 17 O a kotidoer padaki popol on komail, me doo wei san, o popol on me koren akan. 18 Nan pweki i kita karos kak tu on Sam ki Nen ta ieu. 19 Komail ari solar men liki o men wai, a me pweledan akan ianaki saraui kan o kisan penainai en Kot. 20 Me kakauda pon pason en wanporon o saukop akan, a pein Iesus Kristus me takain pukakaim. 21 I wasa kasukasuk kin koda san ia, wiala tanpas saraui en Kaun o, 22 Me komail pil ian kokon penan mol en Kot ren Nen.